असार १८ गते २०७६

रियल जुसमा अखाद्य पदार्थ भेटियो ।

पोखरा, असार १८ ।
डावर नेपाल द्धारा उत्पादित रियल जुसमा फेरी पनि अखाद्य पदार्थ भेटिएको छ । पोखराको पृथ्वीचोक स्थित पोखरा मलको वावा जुस सेन्टरमा सेवाग्राहीले खान लागेको जुसमा कालो पदार्थ देखीएको हो । जुस खाने क्रममा जुस वाहिर नआएपछि वट्टा च्यातेर गिलास मा हाल्ने क्रममा कालो ठोस पदार्थ फेला परेको भन्दै उपभोक्ता नबिन खड्काले जानकारी दिएका हुन ।
वरामद गरिएको अखाद्य वस्तुत मिश्रित रियल जुसको पोखराका डिलर इञ्चार्जले प्वाल परेको वट्टाबाट ग्यास वाहिर निस्किएको कारण जुस विग्रन गएको वताए । यसरी विग्रेको जुस खान नमिल्ने इञ्चार्जले वताए ।
¥यापर प्वाल परेको डिलरले वताएपनि उपभोक्ता खड्का त्यस्तो केहि नभएको तर सिल प्याकेट भित्र अखाद्य वस्तु फेला परेको दावी गर्छन् । उच्च कोटीको पेय पदार्थ भन्दै विक्री हुने जुसमा अखाद्य वस्तु फेला परेको विषयमा राज्यले कस्तो छानविन र कारवाही गर्छ त्यो भने हेर्न वाँकी छ ।