श्रावण ७ गते २०७६

गण्डकी प्रदेशले ल्यायो आधारभुत खानेपानी कार्यक्रम ,कस्तो कार्यक्रम हो यो? हेर्नुहोस ।

पोखरा, साउन ७ ।
नयाँ अािर्थक बर्षको सुरुवात संगै गण्डकी प्रदेश सरकारले नयाँ कार्यक्रमको सुचना प्रकाशित गरिसकेको छ । अघिल्लो बर्ष कानुन र्निमाणका कामहरु गर्नुपर्ने भएकाले बजेट खर्च गर्न नसकेको सरकारले यो बर्षकै सूरुमा लोकप्रिय कार्यक्रमको सुचना प्रकाशित गरिसकेको छ । यो नयाँ आर्थिक बर्षको पहिलो र महत्वपुर्ण कार्यक्रम हो ।
आधारभुत खानेपानी पु¥याउने योजनाका साथ एक महिने सुचना प्रकाशित गरि गण्डकी प्रदेशका ११ जिल्लामा रहेका मानिसहरुलाई तथा महत्वपुर्ण खानेपानि कार्यक्रम सञ्चालन गर्ने उद्धेश्यका साथ सुचना प्रकाशित गरिएको छ । बिजुली, खानेपानी र मोटरबाटो तथा पुलहरुमा बजेटको आकार बढाइएको गण्डकी प्रदेशले आफ्ना योजना कार्यन्वयनका लागि तदारुकता देखाउन सुरु गरिसकेको हो । यो कार्यक्रमले छरिएर रहेका साना बस्तीहरुमा खाईरहेका अस्वस्थ खानेपानीलाई स्वस्थ र ब्यबस्थित खानेपानी उपलब्ध गराउने प्रदेश सरकारको लक्ष रहेको भौतिक पुर्वाधार बिकास मन्त्री तथा सरकारका प्रबक्ता रामशरण बस्नेतले जानकारी दिनु भयो ।