श्रावण ९ गते २०७६

नेपाल टेलिकमले प्रकाशित गरयो यस्तो गभ्भीर सुचना

साउन,,९,काठमाडौं । दूरसञ्चार प्राधिकरणले विदेशबाट आउने अपरिचित फोन नउठाउन आग्रह गरेको छ । विदेशका अपरिचित नम्बरहरुबाट आउने मिस्डकल तथा फोनले प्रयोगकर्ता हैरान बनेपछि दूरसञ्चार कम्पनीहरूको नियामककारी निकाय नेपाल दूरसञ्चार प्राधिकरणले त्यस्ता कलहरू नउठाउन र कलब्याक नगर्न सबैमा आग्रह गरेको हो ।
विदेशबाट मिस्डकल वा कल ठग्नका लागि गर्ने गरेकाले त्यस्तो फोन नउठाउन प्राधिकरणले अनुरोध गरेको हो । पछिल्लो समय टेलिफोन र मोबाइल नम्बरमा विदेशका अपरिचित नम्बरबाट बारम्बार फोन तथा मिस्डकल आउने समस्या देखिएको छ ।
नेपाल दूरसञ्चार प्राधिकरणका उप–महानिर्देशक सन्दीप अधिकारी नेपालका टेलिफोन तथा मोबाइल प्रयोगकर्ताकोमा विदेशका अपरिचितको नम्बरबाट टेलिफोन तथा मिस्डकल आउन थालेको बताउँछन् । उनका अनुसार, प्राधिकरणले समस्या समाधानका लागि पहल थालेको छ।
प्राधिकरणले बिहीबार एक सूचना जारी गर्दै यस्ता कलको रेस्पोन्स नगरी सोझै प्राधिकरणमा खबर गर्न सबैमा अपिलसमेत गरेको छ ।