कार्तिक ३० गते २०७७

इथियोपियामा बन्दूकधारी समूहद्वारा बसमा आक्रमण

इथियोपियाको पश्चिमी क्षेत्रमा एक यात्रुबाहक बसमा बन्दूकधारी आतङ्कवादी समूहले आक्रमण गर्दा ३४ जनाको मृत्यु भएको राष्ट्रिय मानवअधिकारवादी समूहले जनाएको छ । इथियोपियामा पछिल्ला दिनहरूमा घातक हमलाहरू भएका राष्ट्रिय मानबअधिकारवादी संस्थाले उल्लेख गरेको छ । इथियोपियाली मानवअधिकार आयोगले जारी गरेको विज्ञप्तिमा भनिएको छ, “आक्रमणकारी हमलामा मारिनेको सङ्ख्या ३४ रहेको भेटिएको र अन्य कैयौँ मानिस घाइते भएको हुन सक्ने जनाईएको छ । आक्रमण स्थानीय समयअनुसार शनिबार साँझ बेनिसाङ्गुल गुमुज क्षेत्रमा भएको थियो ।