Gandaki Sandesh

पछिल्लो २४ घण्टामा २३ जनाको ज्यान गएसँगै कोरोना संक्रमणबाट ज्यान गुमाउनेको सङ्ख्या एक हजार चार सय ३५ पुगेको छ । यस्तै गएको २४ घण्टामा नेपालमा एक हजार सात सय तीन जनालाई कोरोना भाइरसको सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार शुक्रबार एक हजार सात सय तीन जना सङ्क्रमित थपिएसँगै सङ्क्रमितको सङ्ख्या दुई लाख २९ हजार तीन सय ४३ पुगेको छ । १० हजार चार सय ६० जनाको नमुना परीक्षण गर्दा यति सङ्ख्यामा सङ्क्रमित थपिएका हुन । यस्तै गएको २४ घण्टामा एक हजार दुई सय ३६ जना कोरोना भाइरसको सङ्क्रमणबाट मुक्त भएका छन । योसँगै अहिलेसम्म कोरोनामुक्त हुनेको सङ्ख्या दुई लाख नौ हजार चार सय ३५ पुगेको छ । नेपालमा अहिले १७ हजार दुई सय ३७ जना आइसोलेशनमा छन । यस्तै ६ सय एक जना क्वरेण्टीनमा रहेका मन्त्रालयले जनाएको छ । यस्तै कोरोना संक्रमणबाट पोखरामा २ जनाको मृत्यु भएको छ । हाल सम्म प्रदेशमा कोरोना संक्रमणबाट मृत्यु हुनेको संख्या १४६ पुगेको छ । यस्तै गरी पोखरामा २८ सहित गण्डकी प्रदेशमा थप ३५ जनामा कोरोना संक्रमण पुष्टि भएको छ । यस सँगै गण्डकी प्रदेशमा कोरोना संक्रमित हुनेको संख्या ११,५८८ पुगेको छ ।