जेठ २३ गते २०७८

जागौ नेपाल द्धारा सुकुम्वासी बस्तीमा राहत बितरण

पोखरा,
जागौ नेपाल राष्ट्रिय अभियान द्धारा पोखरामा राहत बितरण गरीएको छ ।

कोरोना संक्रमणका कारण नियमित ज्यालादारीमा काम गर्न नपाएका सुकुम्वासीलाई राहत बितरण गरिएको हो ।पोखरा महानगरपालिका वडा नं ३२ मा रहेको तालखोला बयरघारी टोलका २५ घरधुरीलाई खाद्यान्न, माक्स बितरण गरिएको जागौ नेपाल राष्ट्रिय अभियानका केन्द्रीय संयोजक दिपक आचार्यले जानकारी दिनुभयो ।

राहत बिरतण कार्यक्रमका प्रमुख अतिथि नेपाल सरकार न्युनतम पारिश्रमिक र्निधारण समितिका सदस्य तथा बरिष्ट पत्रकार माधब पनेरुले राहत हस्तान्तरण गर्नुभएको थियो । सो अबसरमा उहाँले जागौ नेपालले देशभर बितरण गरेको राहतले गरिवलाई केही हदसम्म भएपनि जिविका चलाउन सहयोग पुगेकोमा बिदेशमा रहेका अभियन्ताहरुलाई धन्यबाद दिनुभयो । बिदेशी भुमिमा रहेका नेपालीहरु होस या नेपालमा रहेर राज्यलाई उत्तरदायि बनाउने कार्यमा लाग्ने जागौ नेपाल अभियानका अभियन्तालाई थप कृयाशिल भएर लाग्न उहाँले अनुरोध गर्नुभयो ।
जागौ नेपालको प्रबास समितीको सकृयतामा संकलन गरिएको सहयोग बाट राहत बितरण गरिएको अभियानका सचिव ज्ञानु आचार्यले जानकारी दिनुभयो । अभियानले देशका बिभिन्न भागमा स्वास्थ्य सामाग्री,खाद्यान्न सहयोग गरिरहेको छ ।