असार २६ गते २०७८
भूपू मन्त्रीहरूले कब्जा गरे मन्त्री क्वार्टर
ललितपुरको पुल्चोकमा मन्त्रीहरु बस्ने सरकारी क्वार्टरहरू छन् । यति बेला ओली सरकारको मन्त्रिपरिषद्मा प्रधानमन्त्री बाहेक चार जना मात्रै मन्त्री छन् । तर, पुल्चोकको मन्त्री निवासमा प्रहरीको पहरा क्रस गरेर भित्र छिर्ने हो भने अहिले पनि दर्जनौँ ‘माननीय मन्त्रीहरू’ देख्न सकिन्छ ।
मन्त्री निवासको मूल गेटमा पहरा दिने सुरक्षाकर्मीहरू भूपू मन्त्रीहरूका गाडी नम्बर र नातागोतालाई इन्ट्री गराउँदैमा हैरान बनेका छन् । मन्त्री क्वार्टरभित्रको भिडभाड, होहल्ला र बरन्डामा सुकाइएका कपडाहरू हेर्दा अझै पनि देशमा दर्जनौँ मन्त्रीहरू रहेको भान हुन्छ ।
प्रतिनिधिसभा विघटनपछि कामचलाउ प्रधानमन्त्रीले मन्त्रिपरिषद् बिस्तार गर्न नमिल्ने भन्दै सर्वोच्च अदालतले असार ८ गते विस्तारित मन्त्रिपरिषद्लाई काम गर्न नदिन अन्तरिम आदेश जारी गर्यो । अन्तरिम आदेश जारी भए लगत्तै जेठ २१ र २७ गते बिस्तार गरिएको मन्त्रिपरिषद्का मन्त्रीहरूको पद निष्क्रिय भयो । अर्थात् सर्वोच्चको आदेशले उनीहरू पदमुक्त भए । सिंहदरबार सुनसान भयो, तर मन्त्री निवास सुनसान हुन सकेन ।
प्रतिनिधिसभा विघटन गरी कामचलाउ भूमिकामा रहेका प्रधानमन्त्री केपी शर्मा ओलीले मन्त्रिपरिषद् बिस्तार गर्न नमिल्ने भन्दै वरिष्ठ अधिवक्ता दिनेश त्रिपाठीले दायर गरेका रिटमाथि प्रधानन्यायाधीश चोलेन्द्र शमशेर जबरा र न्यायाधीश प्रकाशकुमार ढुङ्गानाको संयुक्त इजलासले काम गर्न नदिन अन्तरिम आदेश दिएका थिए । उक्त आदेशपछि मन्त्री पदबाट पदमुक्त भए पनि केही मन्त्रीहरूले भने अझैसम्म पनि मन्त्री क्वार्टर कब्जा गरेर बसेका छन् ।
हालसम्म पनि मन्त्री क्वार्टर छाडेको जानकारी नदिने र सामान नबुझाउने पूर्वमन्त्रीहरुमा तत्कालीन स्वास्थ्य मन्त्री शेर बहादुर तामाङ, कृषि तथा पशुपंक्षी मन्त्री ज्वालाकुमारी साह, उद्योग तथा वाणिज्य मन्त्री राजकिशोर यादव, महिला बालबालिका तथा ज्येष्ठ नागरिक मन्त्री चन्दाकुमारी चौधरी, खानेपानी तथा सरसफाइ मन्त्री अनिलकुमार झा, वन तथा वातावरण मन्त्री नारदमुनि राना र श्रम तथा रोजगार मन्त्री विमलप्रसाद श्रीवास्तव छन् ।
मन्त्री भएकाहरूलाई क्वार्टरको व्यवस्था गराउने जिम्मा लिएको सङ्घीय सचिवालय निर्माण तथा व्यवस्थापन कार्यालयका अनुसार अहिले पनि मन्त्री पदमा कायम नरहेका ७ जनाले क्वार्टर छाडेका छैनन् । केहीले क्वार्टरमा आफ्नो सामान राखेर ताला लगाएका छन् भने केही पूर्व मन्त्रीका आफन्त र केही पूर्वमन्त्रीहरु आफै पुल्चोकस्थित मन्त्री क्वार्टरमा बसिरहेका छन् ।
सङ्घीय सचिवालय निर्माण तथा व्यवस्थापन कार्यालय, मन्त्री आवास तथा भवन निर्माण शाखाले तत्कालीन कृषि तथा पशुपंक्षीमन्त्री ज्वालाकुमारी साहलाई सी–५, स्वास्थ्य तथा जनसङ्ख्यामन्त्री शेर बहादुर तामाङलाई डी–५, उद्योग तथा वाणिज्य मन्त्री राजकिशोर यादवलाई डी–२, महिला बालबालिका तथा ज्येष्ठ नागरिक मन्त्री चन्दाकुमारी चौधरीलाई ए–५, खानेपानी तथा सरसफाइ मन्त्री अनिलकुमार झालाई ए–४, वन तथा वातावरण मन्त्री नारदमुनि रानालाई सी–४ र श्रम तथा रोजगार मन्त्री विमलप्रसाद श्रीवास्तवलाई बी–१ क्वार्टर उपलब्ध गराएको थियो ।
अन्य मन्त्रीहरूले मन्त्री पदबाट हटे लगत्तै क्वार्टर छाडेका भए पनि यी मन्त्रीहरूले भने अझैसम्म पनि मन्त्री क्वार्टर छाडेका छैनन्
ललितपुरको पुल्चोकमा मन्त्रीहरु बस्ने सरकारी क्वार्टरहरू छन् । यति बेला ओली सरकारको मन्त्रिपरिषद्मा प्रधानमन्त्री बाहेक चार जना मात्रै मन्त्री छन् । तर, पुल्चोकको मन्त्री निवासमा प्रहरीको पहरा क्रस गरेर भित्र छिर्ने हो भने अहिले पनि दर्जनौँ ‘माननीय मन्त्रीहरू’ देख्न सकिन्छ ।
मन्त्री निवासको मूल गेटमा पहरा दिने सुरक्षाकर्मीहरू भूपू मन्त्रीहरूका गाडी नम्बर र नातागोतालाई इन्ट्री गराउँदैमा हैरान बनेका छन् । मन्त्री क्वार्टरभित्रको भिडभाड, होहल्ला र बरन्डामा सुकाइएका कपडाहरू हेर्दा अझै पनि देशमा दर्जनौँ मन्त्रीहरू रहेको भान हुन्छ ।
प्रतिनिधिसभा विघटनपछि कामचलाउ प्रधानमन्त्रीले मन्त्रिपरिषद् बिस्तार गर्न नमिल्ने भन्दै सर्वोच्च अदालतले असार ८ गते विस्तारित मन्त्रिपरिषद्लाई काम गर्न नदिन अन्तरिम आदेश जारी गर्यो । अन्तरिम आदेश जारी भए लगत्तै जेठ २१ र २७ गते बिस्तार गरिएको मन्त्रिपरिषद्का मन्त्रीहरूको पद निष्क्रिय भयो । अर्थात् सर्वोच्चको आदेशले उनीहरू पदमुक्त भए । सिंहदरबार सुनसान भयो, तर मन्त्री निवास सुनसान हुन सकेन ।
प्रतिनिधिसभा विघटन गरी कामचलाउ भूमिकामा रहेका प्रधानमन्त्री केपी शर्मा ओलीले मन्त्रिपरिषद् बिस्तार गर्न नमिल्ने भन्दै वरिष्ठ अधिवक्ता दिनेश त्रिपाठीले दायर गरेका रिटमाथि प्रधानन्यायाधीश चोलेन्द्र शमशेर जबरा र न्यायाधीश प्रकाशकुमार ढुङ्गानाको संयुक्त इजलासले काम गर्न नदिन अन्तरिम आदेश दिएका थिए । उक्त आदेशपछि मन्त्री पदबाट पदमुक्त भए पनि केही मन्त्रीहरूले भने अझैसम्म पनि मन्त्री क्वार्टर कब्जा गरेर बसेका छन् ।
हालसम्म पनि मन्त्री क्वार्टर छाडेको जानकारी नदिने र सामान नबुझाउने पूर्वमन्त्रीहरुमा तत्कालीन स्वास्थ्य मन्त्री शेर बहादुर तामाङ, कृषि तथा पशुपंक्षी मन्त्री ज्वालाकुमारी साह, उद्योग तथा वाणिज्य मन्त्री राजकिशोर यादव, महिला बालबालिका तथा ज्येष्ठ नागरिक मन्त्री चन्दाकुमारी चौधरी, खानेपानी तथा सरसफाइ मन्त्री अनिलकुमार झा, वन तथा वातावरण मन्त्री नारदमुनि राना र श्रम तथा रोजगार मन्त्री विमलप्रसाद श्रीवास्तव छन् ।
मन्त्री भएकाहरूलाई क्वार्टरको व्यवस्था गराउने जिम्मा लिएको सङ्घीय सचिवालय निर्माण तथा व्यवस्थापन कार्यालयका अनुसार अहिले पनि मन्त्री पदमा कायम नरहेका ७ जनाले क्वार्टर छाडेका छैनन् । केहीले क्वार्टरमा आफ्नो सामान राखेर ताला लगाएका छन् भने केही पूर्व मन्त्रीका आफन्त र केही पूर्वमन्त्रीहरु आफै पुल्चोकस्थित मन्त्री क्वार्टरमा बसिरहेका छन् ।
सङ्घीय सचिवालय निर्माण तथा व्यवस्थापन कार्यालय, मन्त्री आवास तथा भवन निर्माण शाखाले तत्कालीन कृषि तथा पशुपंक्षीमन्त्री ज्वालाकुमारी साहलाई सी–५, स्वास्थ्य तथा जनसङ्ख्यामन्त्री शेर बहादुर तामाङलाई डी–५, उद्योग तथा वाणिज्य मन्त्री राजकिशोर यादवलाई डी–२, महिला बालबालिका तथा ज्येष्ठ नागरिक मन्त्री चन्दाकुमारी चौधरीलाई ए–५, खानेपानी तथा सरसफाइ मन्त्री अनिलकुमार झालाई ए–४, वन तथा वातावरण मन्त्री नारदमुनि रानालाई सी–४ र श्रम तथा रोजगार मन्त्री विमलप्रसाद श्रीवास्तवलाई बी–१ क्वार्टर उपलब्ध गराएको थियो ।
अन्य मन्त्रीहरूले मन्त्री पदबाट हटे लगत्तै क्वार्टर छाडेका भए पनि यी मन्त्रीहरूले भने अझैसम्म पनि मन्त्री क्वार्टर छाडेका छैनन्
