Gandaki Sandesh

गण्डकी सन्देश पोखरा : पोखराका सक्रीय सामाजिक अभियान्ता सुबास आचार्यले आफ्नो जन्मदिनको अबसरमा पोखरा महानगरपालिका ११ काँहु स्थित श्री कालिका माध्यमिक बिद्यालयका गरिब तथा जेहेन्दार बिद्यार्थीको शैक्षिक खर्च आफुले जिम्मा लिने प्रण गर्नु भएको छ। आचार्यले आफ्नो २७ औं जन्मदिनको अवसरमा उक्त प्रण गर्नु भएको छ।

श्री कालिका माध्यमिक बिद्यालयका पुर्व बिद्यार्थी समेत रहनु भएका आचार्यले कक्षा २ मा अध्यानरत बिद्यार्थी ९ बर्षीय हिमाल परियारको कक्षा ५ सम्मको शैक्षिक खर्च बेहोर्ने बताउनु भएको छ। पछिल्लो समय जन्मदिनमा फजुल खर्च गरेर मनाउने चलन आएता पनि आफु त्यसको पछि नलागेर गरिव तथा जेहेन्दार बिद्यार्थीको समस्यालाई मध्यनजर गर्दै बिद्याथी हिमाल परियारको शैक्षिक सारथी बन्न लागेको आचार्यको भनाई छ। बिद्यालयका प्रधानाध्यापक निर्मला मानन्धर र शिक्षिका सन्ध्या भट्टराईको समन्वयमा बिद्यार्थी हिमाल परियालाई उक्त सहयोह गरिएको आचार्यले बताउनु भएको छ्।

आचार्यले आज श्राबण ३ अथात आईतबार परेको जन्मदिनको अवसरमा एक कार्यक्रमको आयोजना गर्दै बिद्यार्थी हिमाल परियारलाई केहि स्टेस्नरी सामान पनि हस्तारतरण पनि गर्नु भएको छ।

बिद्यालय ब्यबस्थापन समितिका अध्यक्ष कुमार क्षेत्रीको अध्यक्षतामा सम्पन्न कार्यक्रमको संचालन लेखापाल नारायण लामिछानेले गर्नु भएको थियो। आचार्य हाम्रो पोखरा कास्कीको पुर्व अध्यक्ष तथा दारी ग्याङ पोखराका सक्रीय सदस्य समेत हुनुहुन्छ।