असार २२ गते २०७९

नारायणगढबाट भच्चेक जाँदै गरेको बस राम्चेमा दुर्घटना, २० जना घाइते

चितवनको नारायणगढबाट अजिरकोट गाउँपालिकाको भच्चेक जाँदै गरेको बस दुर्घटना भएको छ । सिरानचोक गाउँपालिका ४ राम्चेमा यात्रुबाहक बस दुर्घटना भएको हो । ना ५ ख ५३०५ नम्बरको यात्रुबाहक बस बुधवार दिउँसो दुर्घटना भएको हो । दुर्घटनामा परी २० जना घाईते भएका छन् । पाँच जनाको चितवन र १५ जना घाईतेको गोरखा नगरपालिका १० छेपेटार स्थित पृथ्वीनारायण सामुदायिक अस्पतालमा उपचार भईरहेको जिल्ला प्रहरी कार्यालय गोरखाका डिएसपी लीलाराज लामिछानेले जानकारी दिए ।

गुडिरहेको बस सडकमा पल्टिँदा सबै यात्रु घाईते भएका हुन् । दुर्घटनाको कारण भने खुलेको छैन ।