चैत्र १ गते २०७९

युवा व्यवसायी सोसिभ भुर्तेलले खोले रिभर बैंक इकोरिर्सोट

लेखनाथमा रिभर बैंक इकोरिर्सोट सञ्चालनमा आएको छ । पोखराका युवा व्यवसायी सोसिभ भुर्तेलले उक्त रिर्सोट सञ्चालनमा ल्याएका हुन् । पोखरादेखि २५ मिनेटमा पुगिने रिर्सोट पोखरा २८ स्याङ्खुदी लेखनाथमा अवस्थित छ ।

गाउँकै अर्गानिक खाना उपलब्ध गराउने गरी रिर्सोट सञ्चालनमा ल्याएको भुर्तेलले बताए । लोकल कुखुरा, लोकल खसी र माछाका पारखीहरुलाई रिर्सोट उपयुक्त हुने भनाइ उनको छ ।

करिब एक करोड लगानीमा सञ्चालनमा आएको रिर्सोटमार्फत पोखराको पर्यटन क्षेत्रमा टेवा पुग्ने विश्वास उनले लिएका छन् । रिर्सोटको वरिपरि शान्त वातावरण छ । ‘सहरदेखि केही पर गाउँमा बस्न जान चाहनेहरुका लागि रिभर बैंक इकोरिर्सोट रोजाइमा पर्न सक्छ,’ उनले भने । सुलभ दरमा आनन्ददायी बसोबासका लागि स्याङ्खुदी आउन उनको आग्रह छ ।
रिर्सोटको लेखनाथ उद्योग वाणिज्य संघका अध्यक्ष छत्रधर आत्रेय, पूर्व अध्यक्ष लक्ष्मीप्रसाद त्रिपाठी र महासचिव भूपेन्द्रराज सुवेदीले उदघाटन गरेका थिए । उदघाटन गर्दै अध्यक्ष आत्रेयले आर्थिक मन्दीको समयमा पनि रिर्सोट सञ्चालन गर्नु नै हिम्मतको काम भएको उल्लेख गरे । उनले युवाहरु अब विदेश होइन स्वदेशमा नै केही गर्ने उद्देश्य बोकेर आउनुपर्ने धारणा राखे ।

विदेश नगएर स्वदेशमा नै केही गर्ने उद्देश्यसहित आफू व्यवसायी क्षेत्रमा लागि परेको भनाइ उनको छ । ‘पछिल्लो समय हामी जस्ता युवाहरु घरदेश छाडेर परदेश जाने बाध्यता बढ्दो छ । तर मैले त्यसो गरिनँ । सानै भए पनि पोखराको न्युरोडमा फुडबैंक सञ्चालनमा ल्याएँ । अहिले रिर्सोट सञ्चालनमा ल्याएको छु । विदेश जाने सोच छैन । आशा छ सबैको माया रिर्सोटलाई मिल्नेछ ।’
सरकारले पनि युवाहरुलाई व्यवसायमा आकर्षण गराउन सबल नीति निर्माण गर्नुपर्ने आवश्यकतालाई उनले औंल्याएका छन् । रिभर बैंक इकोरिर्सोटको निरन्तरताको कामना गर्दै लेखनाथ उद्योग वाणिज्य संघले व्यवसायीहरुको हितमा काम गरिरहेको उनले बताए ।