फागुन १ गते २०८१

सुर्यतारा ( नेकोस) खेल महोत्सव सम्पन्न गर्नको लागि मुल समारोह समितिको बैठक सम्पन्न ।

सुर्य तारा ( नेकोस) खेल महोत्सव सम्पन्न गर्नको लागि मुल समारोह समितिको बैठक सम्पन्न भएको छ। खेल महोत्सव सम्पन्न गर्नको लागि विभिन्न उप समिती हरु समेत गठन गरिएको छ।

खेल महोत्सव यहि फाल्गुण २४ देखि चैत्र २ गते सम्म पोखरा २९ मा रहेको भन्डारढिक खेल मैदानमा सन्चालन हुँदै छ । दर्जनौ खेल समाबेस गरिएको खेल महोत्सवमा सर्बाधिक रासीको पुरस्कार फुटबल प्रतियोगितामा रहेको छ। प्रथम पुरस्कार ४ लाख ४ हजार ४ सय ४४ रुपैया सहित प्रमाणपत्र र मेडल रहेको छ। फुटबल खेल सम्पन्न गर्नको लागि सबै पुरस्कार , प्रमाणपत्र र मेडल गरि झन्डै ७ लाख रुपैया खर्च हुनेछ। मुल समारोह समितिको बैठकमा समितिको अध्यक्ष तथा सुर्यतारा क्लब गन्डकीका अध्यक्ष , नेकोस केन्द्रिय सचिब बिष्णु पुनले जानकारी गराए। कार्यक्रम सम्पन्न गर्नको लागि ८५ लाख रुपैया लाग्ने समेत अवगत गराए। जुन खर्च पुरस्कार र ब्यबस्थापनमा मात्र हुने बैठकमा बताए।

पहिलो खेल महोत्सव बाट नै उत्साहित बनेको सुर्यतारा क्लब र नेकोसले पुन दोस्रो खेल महोत्सव गर्न लागेको हो। खेलको अभियान बाट नै साबिक लेखनाथको परिचय लाई पर्याय बनाउदै आएको कुरा क्लबका अध्यक्ष तथा नेकोस सचिब बिष्णु पुनले सुझाय।उप समिती र मुल समारोह समितीका सम्पुर्ण संयोजक र सदस्यहरुलाइ आ आफ्नो कर्तब्य निभाउन निर्देशन समेत दिएका थिए ।